Berita Manah. Shallom enggau berekat datai ba semoa bala.Puji Tuhan pejalai ka PIPD, (19 April 2009) diberekat Tuhan. Maioh amai kunsi dibai ari sida di PIPD. Sida kirim salam ngagai semoa bala.
Pengeransing sida ti deka nemu jako Tuhan lalu bekunsi enggau maioh bala kitai di PD amai meransang kami duai arinya.
Program stat jam 11.30 lalu penatai kami duai diambat menyadi kitai Liman. Sambiang dipun enggau lagu puji sembah, macha Injil lalu terus ngagai jako Tuhan. Sambiang abis dalam jam 1.30 lemai. Abis sambiang bala kami terus merarau belauk apa agik, lauk babas kitai. Dalam jam 2.00 lemai program sambung enggau 'sharing' ari bala sida lalu bisi Q&A.
Teperansang amai sida enggau jako kunsi ti ngambi tema 'BERUBAH:Laban Jesus Bisi Dalam Atiku' diambi ari 1 Peter 3:18-22. Puji Tuhan laban 'sharing' lemainya sida maioh amai meri 'input' ti baru ngagai semoa bala kami. Sida tu bisi amai peneka deka nemu 'Jako Tuhan' enggau lebih dalam, tajam lalu bakani ka praktik dalam idup. Retinya sida deka mereti agi ka jako dalam 'Bible' ulih dikena dalam pengidup. Puji Tuhan laban penemu ti deka nemu leka jako Tuhan enggau praktik ka iya dalam pengidup, tu meh ka fundemental sebenar ti apin maioh bisi dalam kitai bansa.
Aku pecaya enti semoa kitai bansa nemu macha 'Bible' dalam reti jako belajar mereti ka leka jako dalamnya, kitai bansa deka diangkat ka Tuhan ngagai takat ti enda kala diadang kitai. Praise Lord.
Bulan ti ka datai menyadi kitai John Layang deka bekunsi enggau sida lalu sida minta special topik "Penti Pemali Dalam Bansa Kitai" Puji Tuhan laban sida deka nemu lebih dalam agi pasal utai tu.
'Therefore, if anyone is in Christ, he is a new creation. The old has passed away; behold, the new has come' 2 Corinthians 5:17
